Jeevan ka ek hisa
Jeevan ka ek hissa jo apna hai
Is hisse mein koi dar, ranjish aur bandhan ki seemayein nahi hai
Apne charo aur ek jaal lapeta hua hai
Usko apne is jeevan ke hisse se door rakhana hai
Kya apno ko khush rakh kar hum is hisse ko jee sakte hain
Aisa kuch kar sakte hain jisme kisi aur ki ichayen shamil na ho
Sirf aisa sapna ho jo hur pal ko us ugate hue suraj ki tarah banade
Jiski tapish aur roshni ek naya saware laade
Sawera apni nayi raahoen ki jise dhondne ke liye
maine apne jeevan ka ek ehaam hissa nikal diya
Us ek pal ko bahut nazdik se jeena chahti hoon
ek pal ke liye sirf apne liye...
1 comment:
Agar hum apnon ki ichhayein poori karte hain, to voh bhi to humare liye jite hain.
Baat yeh nahi ki hum apne liye ji paate hain ya nahi. Baat yeh hai ki humari khushi kisme hai.
Agar koi apno ke saath jee kar khushi paata hai to apne liye jeene ka arth us ko samaj nahi aata hai.
Kabhi na kabhi har kisi ko lagta hai ki "I want to break free". But, phir yeh bhi lagta hai ki kya yahi hai zindagi?
Post a Comment